Inuunermi misigisassaq
Ukioq nalinginnaanngitsoq puigugassaanngitsumik efterskolerfiusoq. Nuannersunik ikinngutigiinnermik pissanganartumillu ilinniartinneqarnermik kiisalu unammilligassat qiimanartut nunanullu allanut angalanerit allarpassuillu, naatsumik oqaatigalugit: – Inuunermi misigisassaq.

Pinngortitami atuarfik Efterskolen Flyvesandet
Atuarfik Fyn-ip qatsernerpaaffiani pinngortitami nuannerluinnartumi nunap Egebjerggård-ipqanitaaniittumi orpippassuaaqqanit narsaatinillu Kattegat-illu sineriaanut ungasinngitsunnguami inissisimavoq.

Ilinniartitsinitsinni sammisaqartitsinitsinnilu asseqanngitsumik pinngortitami inissisimanerput atorluarparput, tamanna takuneqarsinnaavoq sunngiffimmi sammisassanut assigiinngitsuni neqerooruteqarfiusuni.

Flyvesandet efterskolerfigissallugu toqqorukku ilinniartunut 68-nut inissaqartitsisoq aamma peqataaffigilersinnaavat. Sammisassani assigiinngitsuni piginnaasaqarluartunik pikkorissunillu ilinniartitsisoqarpoq. Ilinnniartitsisut saniatigut ulluinnarni suliassanut kiisalu ilinniartunut atuarfimmi sulisut attaveqarluartarput.

Flyvesandet-mi ilinniartuuninni makkua piginnaasaqarfigilersinnaavatit:
Ikinngutaalluarneq
Akisussaaffimmik tigusisinnaaneq
Danskisut tuluttullu oqaloriaatsit
Atugarsornikkut siamasissumik tunngavissiuineq
Ilinniarnertuunngorniarnermi siunissamut  inuussutissarsiutinilluunniit ingerlatsinissamut takorluukkanik nukittorsaaneq

Atuarfik atuarfiullu sammivii

Aalisarnermut sammivik
Sammivimmi tassani soorunami aalisakkeringaatsiassaagut. Aalisarnermi periutsit assigiinngitsut, immap qanoq innera aalisakkallu assigiinngitsut sammineqassapput. Eqallup imarmiup nalinginnaasumik ingerlaartarfii kiisalu aalisarnermut siunnersortitut ilinniarfimmukarnissamut tunngaviusumik piginnaasaqarfissat ilinniarneqassapput.
Nuannersumik aalisakkerinerup saniatigut neqitsersuineq, qarsorsalerineq kystwoberilerineq allarpassuillu sammineqassapput.
Aamma ukiuunerani immikkuullaarilluinnartumik ilinniarfiup umiatsiaanik iluarsaassineq sammineqarsinnaavoq. Taamaalilluni ilinniartut umiatsiamik aserfallatsaaliinermik assassornikkut aamma ingerlatsisinnaallutik.

Piniarnermut sammivik
Piniarnermi tunngaviusumik piginnaasat qaffassarnissaat, soorlu nujuartalerineq, uumasut nassuinik suliaqarneq, sakkunik piniutinillu suliaqarsinnaaneq, ungasissutsimut nalileeriaatsit, qimminik sungiusaaneq kiisalu piniarnerup iluani ileqqulersuutit sammineqassapput.
Nammineq piniartarfeqarpugut 80 ha annertutigisumik, piniartarfillu sianigalugulu piffissaq nallerpat piniarfigisassavarput.
Efterskole Flyvesandet-imi ilinniartut piniarnermut aallaaserisinnaanermullu  uppernarsaammik allagartartaarsinnaapput kiisalu aallaaserinermi igeriarnermi imalissat pillugit ilitsersuunneqarlutillu toraarseriarsinnaanerup pitsanngorsarneqarnissaanik sammisaqarsinnaallutik.

Pisissimik piniarneq
Pisisseq atorlugu piniarneq piniariaatsit pisoqaanersaannut ilaagaluartoq ullumikkut nuannarineqarnerpaalersimavoq.
Amerlanerujartuinnartut inuusukkaluarlutik pisissimik piniarnermik ingerlataqalerput illillu periarfissaqarputit pisisseq atorlugu Efterskole Flyvesandet aqqutigalugu piniarnermut allagartartaarsinnaaninnut.
Piseriartarnermut ilanngullugu ungasissutsimik nalileeriaaseq, piniariaaseq kiisalu nukittorsarneq qasujaallisarnerlu sungiusarneqarsinnaapput.
Nujuartalerineq • Aallaaserineq  • Piniariaaseq • Piniarsinnaanermut uppernarsaat • Aallaserinermi uppernarsaat • Igeriaqattaarneq • Pisissaarneq • Pisisseqarsinnaanermut uppernarsaat

Nerisassat piorsarsimassulerlu
Nerisassaq nalinginnaasoq ukiup qanoq ilinera naapertorlugu misilittaaffigalugulu nutaatut eqqarsarluni misisissuiffigisarnissaa sammineqarsinnaavoq. Pinngortitap tunniussinnaasai  soorlu, naasut, pupiit, paarnat naatitallu orpippassuarni sissamilu katersukkat atorlugit nerisassiorneq.
Nerisassiornerup saniatigut piniagassat nujuartat suminngaanit aggernersut, nerisaqarnermi ileqqutoqqat piorsarsimassuserlu ilanngullugit sammineqarsinnaallutik.
Pinngoqqaarneraniit nerisassanngortitsinermut • Ukiup qanoq ilinerani atortussiat • Nerisassatsialaat • Nunaannarmiit nerrivimmut •  Piorsarsimassuseq ileqqutoqqallu

Hiistinut sammivik
Sammivimmi tassani hiistilerinermut sukumiisumik ilitsersorneqassaatit. Island-imiut hiistii atorlugu hiisteriaatsit assigiinngitsut atorlugit ilinniarfiup eqqaani pinngortitami nuannersumi ingerlaartarsinnaavutit. Ilinniarfik hiisteqarpoq taamaattumik  nammineq hiistiuteqarnissat piumasaqaataanngilaq.
Toqqagassat assigiinngitsut
Efterskole Flyvesandet-mi sammineqarsinnaasut saniatigut fag-it nalinginnaasut toqqarneqarsinnaapput soorluttaaq timersornerup iluani ukunani assersuutigalugu arpannermik, isikkamik arsarneq, nukkassarneq kiisalu yoga-mik toqqaasoqarsinnaalluni. Taakkua saniatigut aamma pisissaarneq, igeriaqattaarneq, piniarnermut allagartartaarniarnermik ilinniartinneqarneq, nerisassiorneq, attaveqaatinut tunngasut, assiliineq filmiliornerlu, pedelitut sulineq, nipilersornermi ataatsimut pinnguarneq, tyskisut, allarpassuillu toqqarneqarsinnaallutik.
Sulisunik piukkunnarluartunik misilittagaqarluartunillu suleqateqarneq, assersuutigalugu sulisut ilaat Kalaallit nunaanni meeqqat atuarfeqarfiini Sisimiuni, Kangaamiuni kiisalu efterskoleni Kujaani Efterskoliani, Maniitsup Efterskoliani, Villads Villadsen-ip efterskoliani sulisimasunik.
Kalaallinik inuusuttunik ilisimasaqarluartunik Efterskole Flyvesandet sulisoqarpoq taamaattumillu Kalaallit Nunaanniit Danmarkimukartunik paasinnilluarsinnaasunik, unammilligassanillu assigiinngitsunik ingerlanermi tapersersuilluarnikkut inuusuttut ukiup ataatsip iluani nuannerluinnartumik efterskolerfiusinnaalluni.
Efterskole Flyvesandet Nunat avannaamioqatigiit illuannik suleqateqarluarpoq taannaavorlu ataatsimoorussamik illu nunat avannarliit soqutigisaannik ingerlatsisoq.

Pisortaq ateqarpoq: Pavia Haaber Jakobsen

Uungalu saaffiginnittoqarsinnaavoq:
Der kan rettes henvendelse til skolen på tlf. 004551172710
og til forstanderen på tlf. 004551172720

Skriv til skolen på kontor@flyvesandet.dk